Bigoranye mu minota 27 y’umukino, Rayon Sports yihagazeho imbere ya APR FC yegukana super cup

Ikipe ya APR FC ntihiriwe n’iminota 27 yari yasigaye ku mukino w’igikombe cya super cup nyuma yo kutabasha kugombora ibitego bibiri yari yatsinzwe mu mukino wari wabahuje na Rayon Sports i Rubavu kuwa gatandatu.Nyuma y’uko umukino wari wahuje APR FC na Rayon Sports kuwa gatandatu i Rubavu utarangiye kubere ikibazo cy’amatara ubwo yaburaga, ferwafa yaje gufata umwanzuro w’uko hakinwa iminota yari isigaye kugira ngo umukino urangire dore ko umuriro wabuze hasigaye iminota 27 byanatumye umukino uhagarara, uyu munsi rero nibwo hakinwe iyo minota yari isigaye APR FC n’ubundi yakinishije abakinnyi 10 gusa kuko yari yahawe ikarita itukura yahawe Amran Nshimiyimana akaba atari yemerewe kongera kugaragara kuri uyu mukino ndetse mbere y’uko umukino unatangira Nshuti Innocent yahawe ikarita y’umuhondo nyuma y’ikosa yari yakoreye ku mukino w’i Rubavu.

APR FC yinjiye mu mukino ifite ishyaka ryo gushaka ibitego baherereka umupira neza ariko ikibazo kikaba gukoresha neza uburyo bubonetse kuba babubyaza umusaruro cyane kuri Nshuti Innocent na Isaa Bigirimana batahaga izamu kuko bagiye babona imipira imbere y’izamu rya Rayon Sports. Iyi minota n’ubundi ntacyo yafashije APR FC kuko umukino waje kurangira ari bya 2-0 n’ubundi ibyo yari yatsindiwe i Rubavu bityo Rayon Sports iba yegukanye igikombe kiruta ibindi byose bikinirwa hano mu Rwanda super cup. Ubu APR FC ikaba igiye kwitegura shampiyona dore ko izanakina na Sunrise kuwa gatandatu bakaba bazanakora imyitozo ku munsi w’ejo kuwa kane saa kumi (16h00) kuri sitade ya Kicukiro.

Check Also

APR FC yatahanye inota rimwe nyuma yo kunganya na Marines fc 1-1

APR FC yatahanye inota rimwe ry’umunsi wa kabiri wa shampiyona y’icyiciro cya mbere Azam Rwanda ...

Leave a Reply

Your email address will not be published. Required fields are marked *