Inkuru nziza ku bakunzi ba APR FC mbere yo gutangira shampiyona kuri uyu wa gatandatu

Umunyezamu w’ikipe ya APR FC Kimenyi Yves usigaye ari nawe munyezamu wa mbere muri iyi kipe yari amaze iminsi arwaye intoki, yamaze gutangira imyitozo nyuma y’ibyumweru bibiri yari amaze arwaye ndetse anafite isima ku ntoki.Kimenyi Yves yari amaze ibyumweru bibiri arwaye nyuma y’uko avunikiye ku mukino wahuzaga APR FC na Police fc mu irushanwa rya Agaciro development fund icyo gihe APR FC yanatsinze uwo mukino ibitego 3-1, Kimenyi ntiyabashije kurangiza uwo mukino kuko yaje gusimburwa na Emery Mvuyekure ubwo yari amaze gukandagirwa intoki barwanira umupira wari utewe uva muri koroneri Kimenyi akiza izamu yari arinze, kuva icyo gihe yari atarongera kugaragara mu kibuga kubera iyo mvune, ndetse yaje gushyirwaho isima kugira ngo imufashe amagufwa y’intoki abe yasubira mu mwanya wayo vuba kandi neza.Kimenyi kuri ubu yamaze gukira ndetse yanatangiye imyitozo yoroheje kandi ngo arumva ameze neza nyuma y’uko akuweho isima nkuko yabidutangarije nyuma y’imyitozo ati: ubu ndumva meze neza ntakibazo intoki nizo zari zavunitse ariko naravuwe neza ubu ntakibazo igisigaye ni ugutangira imyitozo maze nkaza nkafatanya n’abagenzi banjye muri shampiyona. Ikipe ya APR FC ikaba irimo kwitegura gutangira shampiyona kuri uyu wa gatandatu aho izakina na Sunrise.

Check Also

APR FC yatahanye inota rimwe nyuma yo kunganya na Marines fc 1-1

APR FC yatahanye inota rimwe ry’umunsi wa kabiri wa shampiyona y’icyiciro cya mbere Azam Rwanda ...

Leave a Reply

Your email address will not be published. Required fields are marked *