Nyuma y’imikino itandukanye yari imaze iminsi ikina, APR FC yiteguye neza gutangira shampiyona izatangira ku munsi w’ejo

Shampiyona y’icyiciro cya mbere Azam Rwanda premier league isigaje amasaha make cyane kugira ngo itangire amakipe yabonye igihe gihagije cyo kwitegura hagiye hanakinwa imikino itandukanye ndetse n’amakipe yariyubatse.Nyuma y’uko shampiyon yari imaze amezi agera kuri atatu isojwe n’ubwo abakunzi b’umupira w’amaguru batigeze bagira irungu kuko muri iki gihe cyose hagiye hakinwa imikino itandukanye habamo n’amarushanwa anyuranye, ubu ikaba igiye kongera gutangira  amakipe yongera kwiyereka abakunzi babo.
Ikipe ya APR FC ikaba ariyo igiye gufungura shampiyona n’ubwo atariyo yatwaye igikombe cya shampiyona kuko ikipe yacyegukanye ariyo ifungura shampiyona. APR FC ikaba igiye gutangira yakira ikipe ya Sunrise ibarizwa mu karere ka Nyagatare, uyu mukino ukazabera kuri sitade ya Kigali i Nyamirambo.Ikipe ya APR FC ikaba aribwo isoje imyitozo ya nyuma yitegura uyu mukino uzaba ku munsi w’ejo kuwa gatandatu, abakinnyi bose bakaba bameze neza usibye SugiraErnest na Kimenyi Yves kandi nawe akaba yamaze gutangira imyitozo yorohoje. Umutoza Jimmy Mulisa ngo ikipe ye igiye gutangira shampiyona yiteguye neza ati: ikipe imeze neza, abakinnyi bameze neza nta mvune nyinshi dufite usibye Sugira na Kimyenyi ariko abandi bose bameze neza turiteguye gutangira shampiyona. Jimmy Mulisa yemeza neza ko biteguye neza kuko babonye igihe gihagije cyo kwitegura ndetse banakinnye imikino itandukanye ati: turiteguye rwose kuko twabonye igihe gihagije cyo kwitegura, twanakinnye imikino itandukanye yose yari iyo kudutegura kwinjira muri shampiyona neza.Dore ibiciro byo kwinjira kuri uwo mukino

Muri VIP 5000 frw
Impande ya VIP 2000 frw
Ahasigaye hose 1000 frw

Check Also

APR FC yatahanye inota rimwe nyuma yo kunganya na Marines fc 1-1

APR FC yatahanye inota rimwe ry’umunsi wa kabiri wa shampiyona y’icyiciro cya mbere Azam Rwanda ...

Leave a Reply

Your email address will not be published. Required fields are marked *