APR FC nyuma yo guhirwa n’intangiriro ya shampiyona, igiye gukomeza kwitegura indi mikino iri imbere

Nyuma yo gutangira shampiyona y’itwara neza aho mu mpera z’icyumweru gishize yatsindaga ikipe yo mu karere ka Nyagatare Sunrise ibitego 2-0, ikipe ya APR FC ikaba igiye gukomeza kwitegura umukino uzayihuza na Marines fc yo mu karere ka Rubavu.

Ikipe ya APR FC yatangiye shampiyona neza ibona amanota atatu ibifashijwemo na Hakizimana Muhadjili wahawe neza umupira na Rukundo Denis maze usanga ahagaze neza imbere y’izamu maze awuboneza neza mu rushundura ndetse na Issa Birimana nawe wahinduye umupira imbere y’izamu ashakisha Muhadjili maze myugariro wa Sunrise awishyirira mu rushundura bihesha APR FC amanota atatu y’umukino.

Nyuma rero y’iyo nstinzi y’amanota atatu, APR FC igiye gukomeza kwitegura indi mikino ya shampiyona dore ko ari nabwo igitangira, bakaba uyu munsi bari bukore imyitozo kabiri ku munsi mu gitondo saa mbiri (08h00) ndetse na saa kumi (16h00) kuri sitade ya Kicukiro.Uko indi mikino yabaye kuri iki cyumweru yagenze:

Bugesera FC 1-3 Amagaju FC
Miroplast FC 1-2 Marine Fc
Rayon Sports 1-1 AS Kigali
SC Kiyovu 1-0 Musanze

Imikino yabaye ku wa Gatandatu:

APR FC 2- 0 Sunrise FC
Etincelles FC 3-1 Police FC
Gicumbi FC 2-1 Espoir FC
Kirehe FC 0-1 Mukura VS

Check Also

APR FC yatahanye inota rimwe nyuma yo kunganya na Marines fc 1-1

APR FC yatahanye inota rimwe ry’umunsi wa kabiri wa shampiyona y’icyiciro cya mbere Azam Rwanda ...

Leave a Reply

Your email address will not be published. Required fields are marked *