Inkuru nziza ku bakunzi ba APR FC, Hakizimana Muhadjili ngo yiteguye kuzagaragara ku mukino bazakina na Marines fc

Mu gihe shampiyona y’icyiciro cya mbere Azam Rwanda premier league izaba ikomeza mu mpera z’iki cyumweru, APR FC ikaba yasubukuye gahunda y’imyitozo uyu munsi nyuma yo kuruhuka iminsi ibiri.Iyi ndacyeka ari inkuru nziza ku bakunzi ba APR FC nyuma y’inkuru tababwiye kuwa kane ko umusore Hakizimana Muhadjili atabashije gukora imyitozo kuri uwo munsi kubera ko yumvaga aribwa mu nda, ubu noneho Muhadjili ameze neza ndetse yanakoze imyitozo yose neza yaba imyitozo yakozwe mu gitondo ndetse n’imyitozo isojwe kuri uyu mugoroba. Uyu musore ngo arumva ameze neza noneho ngo ntakibabara nkuko yabitwibwiriye ati: yego meze neza ndumva nakize nari maze iminsi nywa imiti ariko ubu ndumva ntakibazo abajijwe niba yumva yaba ameze neza kuburyo yazafasha ikipe ye umukino ifite mu mpera z’iki cyumwe ati: cyane meze neza nkuko nabibabwiye kandi nditeguye kuzagaragara kuri uriya mukino. Muhadjili aganira n’urubuga rwa APR FC nyuma y’imyitozo.Ikipe ya APR FC ikaba izakomeza imyitozo ku munsi w’ejo kuwa kabiri nabwo bakazakora kabiri ku munsi aho bazakora mu gitondo saa mbiri (08h00) bakorere imyito mu byuma byongera imbaraga ndetse na nimugoroba saa kumi (16h00) bakorere kuri sitade ya kicukiro.

Check Also

Reba mu mashusho uburyo APR FC yanganyije na Mukura VS

Irebere mu mashusho uburyo APR FC yanganyije na Mukura VS bigatuma irara ku mwanya wa ...

Leave a Reply

Your email address will not be published. Required fields are marked *