APR FC irakomeza imyitozo uyu munsi, ari nako APR football academy nayo iri bukine umukino wa gishuti uyu munsi

Mu gihe bakuru babo bitegura umukino bafite wa shampiyona bagomba gukina na Marines fc kuri uyu wa gatandatu, ni nako barumuna babo nabo bafite umukino wa gishuti uyu munsi.Nyuma y’uko bamwe bakagirirwa ikizere bakazamurwa mu ikipe nkuru ndetse hakanatoranywa abandi bakinnyi bakiri bato baje gusimbura abazamuwe ndetse bakaba bamaze igihe baratangiye imyitozo, ubu noneho APR football academy iri ni ishuri ryigisha umupira w’amaguru rya APR FC bakaba batangiye gukina imikino ya gishuti aho kuri uyu munsi bari bukine na Unity fc yo mu cyiciro cya kabiri. Uyu mukino ukaba utegerejwe nabakunzi b’umupira w’amaguru by’umwihariko abakunzi ba APR FC nkuko bamwe mu bafana babidutangarije bemeza ko uyu mukino ntakabuza bagomba kuza kujya kuwureba bagashyigikira abana bakina muri iri shuri ry’umupira w’amaguru, uyu mukino ukaza kubera ku kibuga cya ferwafa ukaza gutangira ku isaha ya saa cyenda (15h00).Kurundi ruhande, ni nako kandi bakuru babo nabo bakomeje kwitegura umukino wa shampiyona ugomba kubahuza na Marines fc kuri uyu wa gatandatu mu mukino uzabera mu karere ka Rubavu, bakaba bari bukore imyitozo uyu munsi saa kumi (16h00) kuri sitade ya Kicukiro, ejo kuwa gatanu akaba aribwo bazakora imyitozo ya nyuma bitegura uwo mukino.

Check Also

APR FC yatahanye inota rimwe nyuma yo kunganya na Marines fc 1-1

APR FC yatahanye inota rimwe ry’umunsi wa kabiri wa shampiyona y’icyiciro cya mbere Azam Rwanda ...

Leave a Reply

Your email address will not be published. Required fields are marked *