APR FC ngo yiteguye neza Marines fc, ni nako APR football academy yaraye itsinze Unity fc 2-0

Shampiyona y’icyiciro cya mbere Azam Rwanda premier league nyuma y’uko yari imaze ibyumweru bibiri byo ihagaze nyuma yo gutangira, ikaba noneho igiye gusubukurwa  ikaba igeze ku munsi wayo wa kabiri.Shampiyona isubukuwe ku munsi wayo wa kabiri, ikipe ya APR FC ikaba igomba gukina na Marines fc mu mukino uzaba ejo kuwa gatandatu ukabera mu karere ka Rubavu. APR FC ikaba yari imaze iminsi yitegura uyu mukino bakaba bariteguye bihagije nkuko umutoza mukuru w’iyi kipe Jimmy Mulisa yabidutangarije mbere y’uko bahaguruka berekeza mu karere ka Rubavu ati: twagize umwanya uhagije wo kwitegura ubu tumeze neza rwose ntakibazo nta mvune ziri mu ikipe n’abakinnyi bameze neza ntakibazo muri rusange turiteguye neza. APR FC kugeza ubu bakaba nta mvune n’imwe iri muri iyi kipe abakinnyi bose bakaba bameze neza ndetse n’umutoza akaba yabiduhamirije.Nyuma y’imyitozo yarayaye ikozwe ku mugoroba mu mvura nyinshi cyane Ngabonziza Albert kapiteni w’iyi kipe nawe yaduhamirije neza rwose ko biteguye uyu mukino ati: imyitozo twarayikoze myinshi ishoboka umutoza yaraduteguye neza kandi natwe ubwacu nkabakinnyi turiteguye neza ahasigaye n’ugokora akazi ntakindi. Kurundi ruhande barumuna babo baraye bakinnye umukino wa gishuti n’ikipe ya Unity fc maze umukino uza kurangira APR football academy banyagiye Unity fc ibitego 2-0 igitego cya mbere cyabonetse mu gice cya mbere gitsinzwe na Sindambiwe Protais igitego cya kabiri kiboneka mu gice cya kabiri gitsinzwe na Nshimiyimana Marc Govin.

Check Also

APR FC yatahanye inota rimwe nyuma yo kunganya na Marines fc 1-1

APR FC yatahanye inota rimwe ry’umunsi wa kabiri wa shampiyona y’icyiciro cya mbere Azam Rwanda ...

Leave a Reply

Your email address will not be published. Required fields are marked *