Irebere mu mashusho uburyo Maxime na Martin bafashije APR FC gutsinda AS Kigali

Ikipe ya APR FC itahanye amanota atatu y’umunsi wa gatatu wa shampiyona y’icyiciro cya mbere nyuma yo gutsinda AS Kigali ibitego 2-1.APR FC uyu mukino yawukinnye ubona ko iri hejuru cyane byanatumye itanga AS Kigali kwinjira mu mukino, yatangiye uyu mukino yataka cyane ndetse banabona uburyo bwinshi bwari kuba bwahaye APR FC igisubizo kare ariko bakagenda bahusha ayo mahirwe, ikipe ya AS Kigali yaje kungukira muri uko guhusha maze ku munota wa 14 yo ibasha gutungura APR maze iyitanga kubona igitego ku mupira wari utewe uturutse muri koroneri yari itewe na Iradukunda maze Murengezi Rodrigue awuboneza mu rushundura neza. Ibi byishimo ariko ntibyatinze kuko ku munota wa 16, Sekamana Maxime yaje kubishyiraho akitso ubwo yacengaga Iradukunda maze abona inzira ahita afata icyemezo arekura ishoti ryari riremereye umuzamu Bate Shamiru ntiyasobanukiwe ahindukira akura umupira mu rushundura.APR FC kugombora iki gitego byayihaye imbaraga cyane nabwo ikomeza ibona uburyo bwiza bunyuranye ariko bakarwana no kububyaza umusaruro cyane cyane umusore Nshuti Innocent wabonye uburyo bwinshi kandi bwiza ariko ntiyabubyaza umusaruro, igice cya mbere kiri hafi kurangira, ku munota wa  41 Sekamana Maxime uyu munsi wari hejura cyane wanagoye cyane AS Kigali, yaje ku munukana umupira awuhererekanya neza na Martin na Nshuti maze Twizerimana Martin atuma APR FC isoza igice cya mbere iri imbere ya AS Kigali nyuma yo kuyibonera igitego cya kabiri bajya kuruhuka ari 2-1. Igice cya kabiri nticyabonetsemo impinduka mu bitego ahubwo umukino waje kurangira APR FC itahanye amanota 3 y’uwo mukino ku ntsinzi y’ibitego 2-1.

Dore ibitego APR FC yatsinze AS Kigali

Dore uko imikino y’umunsi wa 3 iteye:

Kuwa Gatanu tariki 20 Ukwakira 2017
FT: APR FC 2-1AS Kigali

Kuwa Gatandatu tariki 21 Ukwakira 2017

-Bugesera FC vs Rayon Sports (Nyamata, 15h30’)
-Etincelles FC vs Mukura Victory Sport (Stade Umuganda, 15h30’)
-Espoir FC vs Sunirise FC (Rusizi, 15h30’)
-Kirehe FC vs Musanze FC (Nyakarambi, 15h30’)

Ku Cyumweru tariki 22 Ukwakira 2017

-Police FC vs Amagaju FC (Kicukiro, 15h30’)
-Gicumbi FC vs FC Marines (Gicumbi, 15h30)

 

Check Also

Reba mu mashusho uburyo APR FC yanganyije na Mukura VS

Irebere mu mashusho uburyo APR FC yanganyije na Mukura VS bigatuma irara ku mwanya wa ...

2 comments

  1. Wawuuu APR yacu itangiye neza kuko rst z’iminsi itatu zitameze nabi wenda byatuma twinjira muri chpn neza kuburo ejo hayo haba heza.

  2. Ba Nuakubahwa bayobozi bacu ba APR Fc muturangire aho twagurira imyenda ya APR ama training naza jese turi iRubavu

Leave a Reply

Your email address will not be published. Required fields are marked *