APR FC izakira Bugesera fc ku munsi w’ejo i Nyamirambo kandi ngo umukino bawiteguye neza, ndetse n’ibiciro byo kwinjira byamenyekanye

Shampiyona y’icyiciro cya mbere Azam Rwanda premier league irakomeza kuri uyu wa gatatu hakinwa imikino y’ibirarane y’umunsi wa 5 itarakiniwe igihe.Ikipe ya APR FC ku munsi w’ejo kuwa gatatu izakina na Bugesera fc umukino w’umunsi wa 5 wa shampiyona utarabereye igihe kubera abakinnyi ba APR FC bari mu ikipe y’igihugu. APR FC imaze iminsi yitegura uyu mukino ndetse ngo banawiteguye neza nkuko umutoza Jimmy Mulisa yabidutangarije nyuma y’imyitozo ya nyuma yitegura uyu mukino ati: Umukino w’ejo tuwiteguye neza n’abakinnyi bari mu ikipe y’igihugu baje ubu abakinnyi bose barahari ntakibazo turiteguye. Jimmy kandi ngo ikipe ya Bugesera yarayibonye arayizi : Bugesera ni ikipe nziza narayibonye ikina na Rayonsport gusa icyo nakubwira n’uko twiteguye ntakibazo.Ibi kandi byahamijwe na kapiteni wa APR FC Ngabonziza Albert nawe wemeje ko biteguye neza ko ngo bashaka ariya manota atatu ati: Tumeze neza turiteguye, Bugesera ni ikipe nziza ariko twebwe icyo dushaka ni amanota atatu, mpora mbivuga buri munsi twebwe buri mukino wose ni ingenzi kuri twebwe kuko imikino yose amanota ni amwe yose ni atatu ubwo rero icyo tugenda tureba ni instinzi kugira ngo tubashe kwegukana amanota atatu. Uyu mukino ukazabera kuri sitade ya Kigali i Nyamirambo ejo kuwa gatatuDore ibiciro byo kwinjira kuri uwo mukino

Muri VIP 5000
Impande ya VIP 2000
Ahasigaye hose 1000

Check Also

Reba mu mashusho uburyo APR FC yanganyije na Mukura VS

Irebere mu mashusho uburyo APR FC yanganyije na Mukura VS bigatuma irara ku mwanya wa ...

One comment

  1. congs.ariko se umutoza wungiriza badusezeranyije arihe?

Leave a Reply

Your email address will not be published. Required fields are marked *