APR FC itakaje umwanya wa mbere nyuma yo kunganya na Police fc

APR FC yegukanye inota rimwe ry’umunsi wa karindwi wa shmpiyona y’icyiciro cya mbere Azam Rwanda premier league mu mukino wabereye kuri sitade ya Kicukiro, nyuma yo kunganya na Police fc 0-0.Ni umukino amakipe yombi yari yakaniye kuko abatoza bombi wabonaga bakoresha abakinnyi benshi hagati mu kibuga, aya makipe kandi nta n’imwe iheruka gukuraho indi amanota atatu dore ko no mu mikino ibiri ya shampiyona ishize ya 2016-2017 nabwo yanganyije yaba umukino ubanza ndetse n’umuino wo kwishyura. Mu gice cya mbere APR FC yihariye umupira hagati mu kibuga cyane cyane abakinnyi nka; Amran Nshimiyimana, Bizimana Djihad, Buteera Andrew na Muhadjiri Hakizimana. Gusa amahirwe yagiye aboneka kuyabyaza umusaruro bikaba ikibazo gikomeye igice cya mbere kirangira nta kipe irungurutse mu izamu ry’indi kipe.Mu gice cya kabiri niho hari hasigaye hitezwe ko hagira igihinduka kuko iminota 45 ya mbere yarangiye ntagikozwe, abatoza bakora impinduka zitandukanye aho Sekamana Maxime yasimbuwe na Nkinzingabo Fiston wanagezemo nawe akigaragaza ariko ntihagire igihinduka, ndetse na Twizerimana Onesme nawe wasimbuwe na Twizerimana Martin waje nawe agafasha bagenzi be bagakomeza hagati cyane Police fc bayizibira inzira ibura aho inyura byanahaye imbaranga nyinshi APR FC kuko yahise irushaho gusatira cyane ariko biranga biba ibyubusa n’aya minota 45 yari isigaye irinda irangira ntagihindutse umukino urangira amakipe yombi yongeye kunganya 0-0 byatumye APR FC itakaza umwanya wa mbere. APR FC ikaba izakomeza imyitozo ejo kuwa kane saa kumi kuri sitade ya Kicukiro.

Check Also

Reba mu mashusho uburyo APR FC yanganyije na Mukura VS

Irebere mu mashusho uburyo APR FC yanganyije na Mukura VS bigatuma irara ku mwanya wa ...

Leave a Reply

Your email address will not be published. Required fields are marked *