Tumeze neza Mukura turayiteguye: Ngabonziza Albert kapiteni wa APR FC

Shampiyona y’icyiciro cya mbere Azam Rwanda premier league irakomeza mu mpera z’iki cyumweru igeze ku munsi wayo wa munani.APR FC isoje imyitozo ya nyuma yitegura umukino uzabahuza n’ikipe ya Mukura VS umukino uzabera kuri sitade ya Amahoro sitade nkuru y’igihugu ku munsi w’ejo kuwa cyumweru. Ikipe ya APR FC ikaba yiteguye neza uyu mukino nta mvune irimo ndetse na Emmanuel Imanishimwe akaba ameze neza nyuma y’ibyumweru bitatu amaze atagaragara mu mikino APR FC imaze iminsi ikina, abakinnyi bose bameze neza, umutoza Jimmy Mulisa akaba yemeza ko abakinnyi bameze neza ndetse ko baniteguye ati: tumeze neza turiteguye abakinnyi bameze neza bariteguye ubu twebwe umukino wose nukuwukina nku mukino wa nyuma kuko ntitwifuza kugira umukino dutakaza kuri twe amanota yose ni ingenzi.Tubibutse ko APR FC iheruka kunganya na Police fc 0-0 bigatuma itakaza umwanya wa mbere ku rutonde rwa shampiyona, kapiteni Ngabonziza Albert nawe ati: Mukura n’ikipe nziza ifite n’abakinnyi beza ariko jye nkuko mpora mbivuga kuri twe umukino wose ni final (umukino wa nyuma) icyo tureba ubu n’amanota atatu turiteguye noneho nta n’imvune dufite mbese tumeze neza. APR FC ikaba yanagaruye rutahizamu Issa Bigirimana utaragaragaye ku mukino bakinnye na Police fc ndetse na Ombalenga Fitina utari wemerewe gukina uwo mukino kubera amakarita y’umuhondo.Dore ibiciro byo kwinjira kuri uwo mukino

Muri VVIP 10,000
Muri VIP 5000
Impande ya VIP 2000
Ahasigaye hose 1000

Check Also

Reba mu mashusho uburyo APR FC yanganyije na Mukura VS

Irebere mu mashusho uburyo APR FC yanganyije na Mukura VS bigatuma irara ku mwanya wa ...

Leave a Reply

Your email address will not be published. Required fields are marked *