Mu rwego rwo gusoza ku mugaragaro gahunda y’imyitozo mu biruhuko APR FTC yatsinze UMURI FOUNDATION imikino itatu banganya umwe mu byiciro bine bahatanagamo.
Ni gahunda yiswe ‘Bye Bye Vacances’ yakozwe kuri uyu wa gatanu tariki ya 6/9/2024, ikaba yabereye kuri Tapi Rouge i Nyamirambo.
Iyi gahunda yari igizwe n’imikino ine mu byiciro abana bitozamo hakurikijwe imyaka yabo, ikaba yari igamije kwereka ababyeyi, abafana n’abakunzi b’umupira w’amaguru muri rusange ibyo abana bize mu biruhuko bamazemo amezi asaga abiri.
Imikino ine yakinwe rero yarangiye itya:
U-9: UMURI 1-2 APR FTC
U-11: UMURI 0-12 APR FTC
U-13: UMURI 2-4 APR FTC
U-15: UMURI 2-2 APR FTC
Iyi gahunda yakozwe muri APR FTC i Kigali nyuma y’iyari yakozwe mu Karere ka Huye mu INTARE FTC bihuriye muri gahunda y’iterambe ry’umupira w’amaguru ya APR FC.
Iyo gahunda yo yasojwe ku itariki ya 10/8/2024 abana basaga 300 bitoreza mu INTARE FTC bahataniye igikombe n’imidali mu byiciro bitandukanye bitorezamo.
