Rwanda Premier League yatangaje amasaha umukino wa APR FC na Gasogi United usubukurirwaho.
Ni umukino wahagaritswe ugeze ku munota wa 15, uhita usubikwa bitewe n’imvura nyinshi yaguye mu ijoro ry’uyu wa gatandatu tariki ya 19/10/2024.
Nk’uko bigaragara mu itangazo ryasohowe na Rwanda Premier League, uyu mukino urasubikurwa kuri iki cyumweru tariki ya 20/10/2024 saa kumi n’ebyiri (6:00pm).
Nk’uko amategeko abiteganya, uyu mukino urakomereza ku munota wari wahagarikiweho, ukaza kubera ku kibuga watangiriyeho ari cyo cya Kigali Pele Stadium.
Ubuyobozi bwa APR FC yakiriye umukino bwatangaje ko abafana binjira berekanye ubitumwa bugufi baguriyeho itike yo kwinjira kuri uyu mukino.
