APR WFC U-16 yegukanye igikombe cya National Sports Telent Week itsinze Paris Saint Germain FA igitego 1-0 ku mukino wa nyuma.
Iri rushanwa ryaberaga mu Karere ka Huye, ryahuzaje abakinnyi batoranyijwe mu gihugu hose muri Gahunda y’Isonga (Isonga Program) ya Minisiteri ya Siporo, APR WFC ikaba yaritabiriye nk’Umutumirwa.
Muri iri rushanwa kandi INTARE FTC ikorera mu Karere ka Huye yegukanye umwanya wa 5 itsinze Isonga A ibitego 3-0, nyuma y’aho aya makipe yombi atabashije gukomeza mu mikino ya ½ akisanga agomba guhataniraumwanya wa gatanu.
Iryo rushanwa ryateguwe hagamijwe gutoranya abakinnyi beza bazahagararira u Rwanda mu marushanwa atandukanye, by’umwihariko Imikino Olempike y’urubyiruko izabera i Dakar muri Senegal mu 2026.
