APR FTC yihagazeho, itsinda andi marerero bakinnye ku munsi wa gatatu wa Urubuto Community Youth Cup.
Amakipe yo mu irerero ry’ikipe y’ingabo z’u Rwanda yatsinze imikino yose yakinnye kuri uyu wa gatandatu tariki ya 23/11/2024.
APR FTC yari yakiriye Ejo Hazaza FTC, mu gihe INTARE nk’ikipe ya kabiri ya APR FTC yo yari yakiriye Green Team FA, imikino yose ikaba yabereye ku kibuga cya Don Bosco mu Gatenga.
Muri rusange imikino yagenze itya:
U-10: INTARE FTC 4-0 Green Team FA
U-13: INTARE FTC 4-0 Green Team FA
U-16: INTARE FTC 4-1 Green Team
APR FC U-10 4-0 Ejo Hazaza
APR FC U-13 5-0 Ejo Hazaza
APR FC U-16 3-2 Ejo Hazaza
Urubuto Community Youth Cup ni irushanwa ririmo rikinwa ku nshuro ya kabiri, ndetse ubwo ryakinwaga bwa mbere mu mpeshyi y’uyu mwaka, APR FTC yegukanye igikombe mu cyiciro cya U-16, mu gihe INTARE FTC yacyegukanye muri U-13, n’aho Imena FA ari yo yagitwaye muri U-10.
Iri rushanwa ryatangijwe rishingiye kuri Community Youth Football League ryari risanzwe rikinwa kuva mu 2014.
