APR FC yatsinzwe n’Amagaju FC igitego 1-0 mu mukino wasoje igice cya mbere cya Shampiyona.
Ni umukino w’ikirarane wasozaga imikino ibanza ya Rwanda Premier League wakiniwe kuri Stade Huye kuri iki cyumweru tariki ya 12/01/2025.
Ni umukino APR FC yagerageje gukina neza kuva utangiye kugeza urangiye ariko amahirwe yo kubona igitego aranga aba ingume.
Ikosa rito risa n’uburangare ryakozwe mu bwugarizi bwa APR FC ku munota wa 55 ni ryo ryavuyemo igitego cy’Amagaju FC ari na cyo rukumbi cyabonetse muri uyu mukino.
Gutsindwa uyu mukino kwa APR FC kwatumye irangiza imikino ibanza ya Rwanda Premier League 2024-2025 iri ku mwanya wa kabiri n’amanota 31, ikarushwa amanota 5 na Rayon Sports ya mbere.
