Ubuyobozi bwa APR FC bweretse abakinnyi n’abatoza Lt.Col Alphonse Muyango na Capt.Deborah baherutse guhabwa inshingano muri iyi kipe y’ingabo z’u Rwanda.
Ni igikorwa cyabaye kuri uyu wa Kane tariki ya 17/10/2024, kikaba cyarabereye kuri Stade Ikirenga [Shyorongi] aho APR FC yitoreza.
Chairman wa APR FC, Col. (Rtd) Richard Karasira ni we wayoboye umuhango wo kwerekana aba bakozi bashya baherutse guhabwa inshingano muri iyi kipe.
Lt Col Alphonse Muyango ashinzwe ibikoresho by’ikipe n’ikikoresherezwe yabyo (Logistics) akaba n’Umunyamabanga Mukuru w’agateganyo.
Capt. Deborah Umuziranenge ni Umuyobozi Ushinzwe Imari n’Ubuyobozi (Finance and Administration), bombi bakaba barahise batangira inshingano.
