APR FC idafite 8 mu bakinnyi bayo yanganyije 0-0 na Musanze FC mu mukino w’imyitozo.
Wari umukino wa gicuti wakinwe kuri uyu wa gatandatu tariki ya 12/10/2024, ukaba wabereye kuri Stade Ubworoherane mu Karere ka Musanze.
Aya makipe yombi yakinnye umukino wa gicuti mu rwego rwo gukomeza gufasha abakinnyi bayo kuguma mu mwuka wo guhatanira mu gihe imikino ya Shampiyona yabaye isubitswe kubera imikino y’ikipe y’igihugu Amavubi mu marushanwa atandukanye.
APR FC yakinnye idafite Byiringiro Gilbert, Niyigena Clement, Niyomugabo Claude, Nshimiyimana Yunusu, Mugisha Gilbert, Niyibizi Ramadhan bari mu ikipe y’igihugu Amavubi, na Mamadou Sy uri muri Mauritania na Thadeo Lwanga uri muri Uganda Cranes.
