APR FC ntiyahiriwe n’umukino wo guhatanira igikombe kiruta ibindi mu gihugu (Super Cup), aho yatsinzwe na Police FC penaliti 5-6 nyuma yo kunganya 0-0 mu minota isanzwe y’umukino.
Ni umukino wakiniwe kuri Pele Stadium kuri uyu wa gatandatu tariki ya 10/8/2024, uyu ukaba ari na wo ufatwa nk’utangije ku mugaragaro umwaka w’imikino wa 2024-2025.
Iki gikombe gihuza ikipe yatwaye Shampiyona n’iyatwaye Igikombe cy’Amahoro.
Police FC ya mbere yahawe igikombe na miliyoni 10 Frw naho Ikipe y’Ingabo z’Igihugu ihabwa miliyoni 5 Frw.
APR FC izakina na Azam FC muri CAF Champions League mu cyumweru gitaha aho umukino ubanza uzabera muri Tanzania.
Police FC izahura na CS Constantine muri CAF Confederation Cup.
