Mu mikino itatu y’umunsi wa mbere wa Urubuto Community Youth Cup APR FTC yatsinze Alpha Sports ibiri banganya umwe.
Ubwo hakinwaga umunsi wa mbere wa Urubuto Community Youth Cup, irerero rya APR FC ryakiriwe na Alpha Sports ku kibuga cyo mu Rugunga.
Mu cyiciro cy’abari munsi y’imyaka 10, Alpha Sports yanganyije na APR FTC igitego 1-1.
Mu cyiciro cy’abatarengeje imyaka 13, APR FTC yatsinze Alpha Sports ibitego 3-1.
Mu cyiciro cy’abatarengeje imyaka 15 ho APR FTC yatsinze Alpha Sports ibitego 5-0.
Mu rindi tsinda, INTARE FTC yari yakiriye Family Talents ku kibuga cya Don Bosco mu Gatenga.
Mu cyiciro cy’abatarengeje imyaka 10, INTARE FTC yatsinze Family Talents ibitego 11-5.
Mu cyiciro cy’abatarengeje imyaka 13, INTARE FTC yatsinzwe na Family Talents ibitego 4-0.
Mu cyiciro cy’abatarengeje imyaka 15, INTARE FTC yatsinze Family Talents igitego 1-0.
Ni irushanwa rizamara amezi atatu, rikaba ririmo guhuza amarerero 18 yigishirizwamo abana gukina umupira w’amaguru mu Mujyi wa Kigali, rikagira insanganyamatsiko igira iti “Iterambere ry’umupira w’amaguru w’ejo heza hazaza tuzigamira abana bacu.”
