APR WFC U-17 yatsinze Muhazi United WFC U-17 ibitego 7-1 mu mukino w’umunsi wa kabiri wa FERWAFA YOUTH LEAGUE.
Uwo mukino wakiniwe i Rwamagana kuri iki cyumweru tariki ya 24/11/2024 guhera saa Saba (1:00pm).
Bidatunguranye APR WFC yihariye uyu mukino inawutsinda biyoroheye.
Wari umukino wa kabiri APR WFC U-17 itsinze, dore ko uwa mbere yari yatsinze Police WFC U-17 ibitego 2-1.
Mu bahungu na ho APR FC U-17 ihagaze bwuma, aho imaze gutsinda imikino yombi imaze gukina muri FERWAFA YOUTH LEAGUE U-17.
