Abakinnyi ba APR FC bahigiye guha ibyishimo abakunzi n’abafana b’iyi kipe y’ingabo mu mukino uzayihuza na Musanze FC.
Kuri uyu wa gatatu tariki ya 12/02/2025 APR FC izakina na Musanze FC umukino wa
1/8 mu irushanwa ryo guhatanira igikombe cy’Amahoro.
Ni umukino uzabera kuri Stade Ubworoherane mu Karere ka Musanze.
APR FC izakina uyu mukino idafite Tuyisenge Arsene, Kwitonda Alain ‘Bacca’ na Victor Mbaoma, aba bakaba barimo bitegura kugaruka mu kibuga nyuma y’imvune bari bamaranye iminsi.
Mu irushanwa ryo guhatanira igikombe cy’Amahoro giheruka APR FC yasezerewe na Gasogi United kuri penaliti 4-3 muri 1/4 cy’irangiza, nyuma yo kunganya 0-0 mu mikino yombi (ubanza n’uwo kwishyura).
