APR FC yahacanye umucyo ubwo yakinaga imikino y’umunsi wa 5 muri FERWAFA YOUTH LEAGUE U-17.
Mu bahungu, APR FC U-17 yari yakiriye Gorilla FC U-17 yari iyoboye urutonde mu itsinda ziherereyemo.
Ikipe y’ingabo ntiyakanzwe no kuba ikina n’ikipe ikurikiye ku rutonde rwa Shampiyona, iyitsinda ibitego 7-1, ihita inayikura kuri uwo mwanya w’icyubahiro iwicaraho.
Mu bakobwa ho, APR WFC U-17 yari yakiriye Forever Girls FC U-17 umukino wabereye muri Stade Kamena, urangira ari ibitego 7-0.
Kugeza ubu mu bahungu APR FC U-17 ni iya mbere mu itsinda iherereyemo, mu gihe mu bakobwa na ho iyoboye urutonde rwa Shampiyona n’amanota 15/15 inganya na Indahangarwa WFC U-17.
APR WFC U-17 izagaruka mu kibuga ikina na Indahangarwa WFC U-17 umukino w’umunsi wa 6 izabera i Nyamirama mu Karere ka Kayonza kuwa gatandatu tariki ya 21/12/2024.
