APR FC ikomeje imyitozo ku kibuga cyayo i Shyorongi yitegura umukino uzayihuza na Vision FC kuwa kane tariki ya 07/11/2024 kuri Kigali Pele Stadium guhera saa kumi n’ebyiri (6:00pm).
Nyuma yo gutsikira kuri Gorilla FC bakanganya 0-0, APR FC yasubukuye imyitozo kuwa mbere, ndetse yanayikomeje kuri uyu wa kabiri yitegura uwo mukino ukurikiyeho.
Ni umukino abakinnyi bose biteguye nk’indi yose n’ubwo babizi neza ko uzaba ukomeye bitewe n’uburyo Vision FC imaze iminsi yitwara neza mu mikino yayo.
Kugeza ubu mu bakinnyi basanzwe bakina ntawe ufite imvune usibye abari bazisanganywe, ibi bigatanga icyizere cyo kuzitwara neza, ari na ho abakinnyi bahera basaba abafana kuzaza ari benshi bakabashyigikira, bakabasezeranya kuzataha bishimye.
