Impuzamashyirahamwe y’umupira w’Amaguru muri Afurika, yamenyesheje ikipe ya APR FC ko umukino wa CAF Champions League uzayihuza na Pyramids wahinduriwe amatariki kubera undi mukino iyi kipe yo mu Misiri ifite.
APR FC cyo kimwe n’andi makipe yatwaye Shampiyona iwabo, yagombaga gutangira imikino ya CAF Champions League hagati ya tariki 19-21 Kanama ariko umukino wa Pyramids wigijwe inyuma ushyirwa tariki 28 Kanama mu gihe uwo kwishyura uzakinwa tariki 4 Nzeri 2025.
Aya makipe yombi akaba yari yahuye umwaka ushize mu majonjora ya kabiri y’iri rushanwa aho Pyramids yari yasezereye APR FC ku bitego 4-2 mu mikino yombi bikarangira inegukanye iri rushanwa itsinze Mamelody Sundowns ku mukino wa nyuma.
Ikipe izakomeza hagati y’aya makipe yombi ikazahura n’izakomeza hagati ya Ethiopia Insurance na Mlandege yo muri Zanzibar.
Ikibuga kizakira umukino kikazaba kizatangazwa mu minsi mike.