APR FC irasubukura imyitozo kuri iki Cyumweru yitegura umukino w’ikirarane cy’umunsi wa gatatu uzayihuza na Etincelles FC kuwa Kabiri tariki ya 2 Ukuboza 2025 kuri Kigali Pelé Stadium_ guhera saa kumi n’ebyiri z’umugoroba (18:00).

Imyitozo iteganyijwe gutangira saa kumi (16:00) kuri Ikirenga Stadium, ikaba iyobowe n’umutoza mukuru Abderrahim Taleb.
Kugeza ubu ikipe ya APR FC iri ku mwanya wa gatatu ku rutonde rwa shampiyona, ikaba ishaka gukomeza guhatanira igikombe nyuma yo kunganya na AS Kigali igitego 1-1 mu mukino uheruka.
Kugeza ubu ikipe ya Etincelles FC yo mukarere ka Rubavu ntirabasha kubona amanota atatu muri shampiyona kuko imaze kunganya imikino itandatu mu mikino umunani imaze gukina.

Abakunzi b’umupira w’amaguru by’umwihariko abakunzi ba APR FC barashishikarizwa kugura amatike banyuze kuri 572# kugira ngo baze gushyigikira ikipe yabo ku bwinshi.