Tombola y’uko amakipe azahura mu mikino y’amajonjora y’ibanze ya CAF Champions League isize ikipe ya APR FC yongeye gutombora Pyramids FC yo mu Misiri mu nzira ishyira amatsinda y’iri rushanwa.
Umukino ubanza hagati yaya makipe yombi uteganyijwe kuzabera i Kigali hagati y’amatariki ya 19-21/9/2025, mu gihe umukino wo kwishyura uzakinwa nyuma y’icyumweru ukazabera mu Misiri.
Aya makipe yombi akaba yari yahuye umwaka ushize mu majonjora ya kabiri y’iri rushanwa aho Pyramids yari yasezereye APR FC ku bitego 4-2 mu mikino yombi bikarangira inegukanye iri rushanwa itsinze Mamelody Sundowns ku mukino wa nyuma.
Ikipe izakomeza hagati y’aya makipe yombi ikazahura n’izakomeza hagati ya Ethiopia Insurance na Mlandege yo muri Zanzibar.
Imikino ya kamarampaka ishyira amatsinda yo iteganyijwe hagati ya tariki ya 17-19/10/2025.