APR WFC yegukanye umwanya wa gatatu muri FERWAFA YOUTH LEAGUE 2024, irushanwa ryahuje amakipe y’icyiciro cya mbere n’icya kabiri ariko hakina abakinnyi batarengeje imyaka 20.
Ni irushanwa ryasojwe kuri iki cyumweru tariki ya 2/6/2024, aho igikombe cyegukanywe na Gasogi United mu bahungu n’aho APAER WFC ikagitwara mu bakobwa.
Imyanya ya kabiri yegukanywe na Marine FC mu bahungu itsinzwe na Gasogi United ibitego 3-0, mu bakobwa haza Kamonyi WFC yatsinzwe na APAER igitego 1-0.
Mu bakobwa APR WFC yari yasezerewe na Kamonyi WFC muri ½ cy’irangiza yaje kwegukana umwanya wa 3 itsinze Indahangarwa WFC ibitego 5-0, mu gihe mu bahungu umwanya wa gatatu wegukanywe na Sunrise FC yatsinze Musanze FC kuri penaloti 8-7 nyuma y’uko bari banganyije ibitego 2-2.
Mu mikino 15 yakinnye muri iri rushanwa, APR WFC yatsinzwe imikino ibiri gusa, itsinda 13 ntiyigeze inganya n’umwe.
