Cart Total Items (0)

Cart

Igitego cya Ruboneka Bosco, cyatumye ikipe yacu ifata umwanya wa kabiri ku rutonde rw’agateganyo rwa shampiyona, ni nyuma yo kunganyiriza 1-1  kuri Kigali Pelé Stadium mu mukino twasuyemo As Kigali kuri uyu wa Gatanu.

Ruboneka Bosco yakaraze umupira wa Coup Franc neza uruhukira mu izamu rya As Kigali ku munota wa 41 w’umukino, byatumye tujya kuruhuka turi imbere ku gitego 1-0 mu gice twari twihariye.

Mu gice cya kabiri, As Kigali yaje kwishyura igitego ku munota wa 50 w’umukino, cyatsinzwe na Ndayishimiye Didier nubwo ubwugarizi bwari bwagerageje kwihagararaho.

Ikipe yakomeje gushaka igitego cya kabiri, Mamadou Sy, Djibril na Mugisha Gilbert binjira mu kibuga ngo bakomez botse igitutu abanyamujyi, gusa birangira ari icyo gitego 1-1.

APR FC ikaba yahise ifata umwanya wa kabiri muri Shampiyona n’amanota 15 mu mikino umunani, aho ikipe izasubira mu kibuga ku wa Kabiri tariki 2/Ukuboza twakira Etincelles ku mukino w’ikirarane.