Ikipe ya Pyramids yashyize akadomo ku rugendo rwacu mu mikino ya CAF Champions League nyuma yo kudutsindira mu Misiri ibitego 3-0 mu mukino wo kwishyura.
Umukino wacu na Pyramids wari warigijwe inyuma kubera ko iyi kipe ifite igikombe giheruka yarimo ikina irindi rushanwa rihuza amakipe ya mbere muri Afurika, Aziya na Pacifika yaje no kwegukana itsinzi Al Ahli ibitego 4-1.
Mu mukino ubanza i Kigali, abasore ba Taleb Abderrahim bari bagerageje kwitwara neza gusa birangira Fiston Mayele atsinze ibitego bibiri byabaye itandukaniro muri uyu mukino.
Mu kwishyura, ibitego bya Mistafa Ziko, Ahmed Atef na Mohamed Hamdi byatumye Pyramids ikomeza mu cyiciro gikurikira.
APR FC ikaba igiye kugaruka i Kigali gukomeza amarushanwa asigaye, gusa abakinnyi bahamagawe mu ikipe y’igihugu bakazahita basanga abandi mu mwiherero.