Hatangajwe itariki izaberaho umukino wo guhatanira igikombe gihatse ibindi mu Rwanda (Super Cup) uzahuza APR FC na Police FC.
Mu ibaruwa Ishyirahamwe ry’umupira w’amaguru (FERWAFA) ryandikiye amakipe yombi, ryamenyesheje ko uwo mukino uzakinwa ku itariki ya 10/08/2024 saa cyenda (3:00pm), ukazabera kuri Kigali Pele Stadium.
Uyu mukino wo guhatanira igikombe kiruta ibindi ni wo ufatwa nk’utangiza ku mugaragaro umwaka mushya w’imikino, ukaba uhuza ikipe yegukanye igikombe cya shampiyona n’iyatwaye igikombe cy’amahoro.
Mu mwaka w’imikino urangiye (2023/2024) Igikombe cya shampiyona cyegukanywe na APR FC mu gihe igikombe cy’amahoro cyegukanywe na Police FC.
