Cart Total Items (0)

Cart

Umukinnyi w’umwaka wa Rwanda Premier League 2024-2025, Niyigena Clement, ari bube ari mu bakinnyi 11 baza guhangana na As Kigali mu kanya gato ubwo turi bube dukina umukino w’umunsi wa cyenda wa Shampiyona.

Uyu mukino ugiye gukinirwa kuri Kigali Pele Stadium saa Kumi n’Ebyiri za nimugoroba(18h:00), APR FC yahinduye bike ugereranyije n’umukino uheruka wari waduhuje na FC Marines kuri iki kibuga.

Uretse Niyigena wafashe umwanya wa Alex Nduwayo, Lamine Bah na we yafashe umwanya wa Ronald Ssekiganda umaze kwigaragaza muri iyi shampiyona.

Byiringiro Gilbert wari umaze iminsi yaravunitse yagarutse ku ntebe y’abasimbura, ni na ko bimeze kuri Mamadou Sy wari kumwe n’ikipe y’igihugu. Djibril Ouattara ukomeje kugaruka buhoro buhoro na we yatangiye mu basimbura.

Iyi kipe y’umutoza Shabani twayitsinze imikino ibiri twahuye muri Shampiyona ishize, ndetse kuri ubu iza ku mwanya wa 12 n’amanota umunani, mu gihe ikipe yacu iri ku mwanya kane n’amanota 14, mbere y’ ikirarane tuzakiramo Etincelles ku wa Kabiri utaha.

Dore XI turi bwifashishe kuri uyu munsi: Ishimwe Pierre, Fitina Omborenga, Souane Aliou, Niyigena Clament, Niyomugabo Claude, Seidu Dauda, Ruboneka Bosco, Denis Omed, Hakim Kiwanuka, William Togui.