Mu rwego rwo kwifatanya na Simba SC, Abakunzi n’abafana bayo mu kwizihiza Simba Day, ruraza kwambikana hagati y’iyi kipe na APR FC.
Ni umukino uza kubera kuri Mkapa Stadium i Dar es Salaam muri Tanzania kuri uyu wa gatandatu tariki ya 3/8/2024 guhera saa kumi n’ebyiri n’igice (6:30pm) ku isaha ya Kigali.
Ni umukino APR FC igiye gukina mu rwego rwo kwifatanya na Simba SC mu kwizihiza ibirori byayo ariko ukaba n’amahirwe meza yo kwisuzuma urwego mbere yo gutangira imikino yo guhatanira igikombe cy’irushanwa rihuza amakipe yabaye aya mbere iwayo (Total African Champions league).
